बला’त्कारपछि ह’त्या गरिएकी बैतडीकी १७ वर्षीया किशोरी भागरथी भट्टका परिवारलाई सुदूरपश्चिम समाज कोरियाले दुई लाख ८३ हजार पाँच सय रुपैयाँ आर्थिक सहयोग गरेको छ।

समाजका कोषाध्यक्ष डीआर पनेरु, पूर्वअध्यक्षद्वय नरबहादुर सार्की र धर्मराज जोशी, पूर्वसचिव सुरेन्द्र भण्डारी, पूर्वकोषाध्यक्ष नवराज भट्टलगायतको समूहले भट्टको घरमै गई बैतडी दोगडाकेदार गाउँपालिका अध्यक्ष चक्र कार्की र वडाध्यक्ष भरतसिंह महरालगायतको उपस्थितिमा सहयोग रकम हस्तान्तरण गरेको हो।

गत माघ २१ गते बिहान विद्यालय गएकी भागरथीको बला’त्कारपछि ह’त्या भएको अवस्थामा भोलिपल्ट श’व फेला परेको थियो। घटनाप’श्चात उनको घरको पनि आर्थिक अवस्था कमजोर भएका समाचार प्रकाशित भएका थिए। सुदूरपश्चिम समाज कोरियाले गत माघ २५ गतेदेखि ‘भागरथीकी आमाका आँशु पुछौँ’ अभियान शुरु गरेको थियो।

उक्त अभियानमा कोरियामा रहेका १६९ सहयोगीहले स्वःस्फूर्तरूपमा सहयोग गरेका हुन्। अभियानबाट कूल २७ लाख ३८ हजार ३९१ कोरियन वन रकम सङ्कलित भएको र सोही रकम भट्टको परिवारलाई हस्तान्तरण गरिएको सुदूरपश्चिम समाज कोरियाले जनाएको छ।

भट्टको ह’त्यारा भनिएका एक किशोरलाई यसअघि नै प्रहरी सार्वजनिक गरिसकेको छ। रासस

अन्तिम पटक अध्यावधिक गरिएको 122 Viewed

प्रतिक्रिया दिनुहोस्