पोखरा मंसिर ११/ लोक तथा दोहोरी गायिका तारा पौडेल श्रेष्ठको ‘थर एउटै, घर एउटै’ गित सार्वजनिक भएको छ । केहि दिनअघि ‘तारा पौडेल’ युट्युब च्यानलमार्फत यो लोक गित सार्वजनिक गरिएको हो ।
कृष्ण लामिछानेको शब्द रहेको गितमा नेत्र भण्डारीको संगीत रहेको छ भने तारा पौडेल श्रेष्ठ र नेत्र भण्डारीको आवाज रहेको छ ।
यो गितलाई मुकेश नेपालीको निर्देशन र कोरियोग्राफीमा तयार भएको भिडियोमा लोमश शर्मा र नम्रता थापासहितका कलाकारको अभिनय रहेको छ । भिडियोको छायांकन बुद्ध थापा र सम्पादन नवीन घर्ती मगरले गरेका छन ।
दर्शक श्रोताको माया पाउदा आफू निकै हर्षित भएको गायिका पौडेल बताउछिन । उनले भनिन्, “दर्शक–श्रोताले नयाँ गीतमा सुरुमै दिएको साथ र माया मेरो लागि प्रेरणाको स्रोत बनेको छ ।
यस गीतले जातीयता तथा एउटै घरको भावना लाई सरल र मार्मिक तरिकाले प्रस्तुत गरेको छ । गीतले थर, जात र पहिचानले मानिसलाई अलग अलग चिनाउने भए पनि भावना, माया र घरले सबैलाई एक ठाउँमा जोड्ने सन्देश दिन खोजेको छ ।
जिवनको दैनिकीसंग जोडिएको भएकाले गर्दा पनि यस गितको सान्दर्भिकता र महत्व झल्केको गित निर्माण टिमको भनाइ छ ।
