बागलुङ – दाङमा झन्डै १० किलाे चरेससहित प्रहरीले दुई जनालाई पक्राउ गरेको छ । पक्राउ पर्नेमा बाग्लुङकाे बडिगाड गाँउपालिकाका ३० वर्षीय रेमबहादुर भुजेल र निसीखोलाका २१ वर्षीय सुदिप सिंजाली मगर रहेको जिल्ला प्रहरी कार्यालय दाङले जनाएको छ ।
उनीहरूलाई पूर्व–पश्चिम राजमार्ग दाङकाे धान खाेलामा रहेकाे एक हाेटलबाट ९ किलाे ९ सय ३० ग्राम चरेससहित पक्राउ गरिएकाे प्रहरीले पत्रकार सम्मेलनमार्फत जानकारी दिएकाे हाे ।
हरियो रङ्गकाे भिर्ने झोलाभित्र सेतो प्लास्टिकले बेरेर राखेको अवस्थामा २० वटा इँटा आकारको लागुऔषध चरेस फेला परेको प्रहरीले जनाएको छ । होटलमा चरेसको कारोबार भइरहेको भन्ने सुराकी पाएपछि प्रहरीले छापा मारेको थियो ।
प्रकाशित मिति २०७८ साउन ७ गते बिहिबार ०४:४६
