बागलुङ नगरपालिकाको वडा नं. १३ बलेवा पैयुँपाटामा मा १५ शैयाको नगर सुभारम्भ गरिएको छ । एक पालिका एक आधारभूत अस्पताल निर्माण गर्ने सरकारको लक्ष्य अनुरुप बलेवामा नगर अस्पताल सुभारम्भ गरिएको बागलुङ नगरपालिकाका नगर प्रमुख जनकराज पौडेलले बताउनुभयो ।
नगर अस्पताल निर्माणका लागि स्थानीयको सक्रियतामा ९ रोपनी जग्गा व्यवस्थापन गरेपछि नेपाल सरकारले नगर अस्पताल स्विकृत दिएको हो । पैयुपाटा स्वास्थ्य चौकीलाई स्तरोन्नती गरी बागलुङ नगर अस्पतालको रुपमा सेवा दिन थालिएको नगरप्रमुख पौडेलले बताउनुभयो । नगर अस्पताललाई आवश्यक भवन निर्माण कार्य ठेक्का स्विकृत भएर अगाडी बढेको र अहिले साविक स्वास्थ्य चौकीकै भवनबाट अस्पतालले सेवा प्रदान गर्ने बागलुङ नगरपालिकाका नगर प्रमुख पौडेलको भनाई छ ।
गण्डकी प्रदेशले जनशक्ति व्यवस्थापन गर्ने गरि एक जना मेडिकल अधिकृत सहितको जनशक्ति समेत व्यवस्थापन गरिएको छ । जहाँ नगरका तर्फबाट समेत १० लाख रुपैयाँ विनियोजन भएको छ । गण्डकी प्रदेशको स्वास्थ्य तथा जनसंख्या मन्त्रालयले पाँच वेडका लागि केही स्वास्थ्य सामाग्री प्रदान गरेपछि अस्पतालले सेवा सूचारु गरेको हो ।
अस्पताल निर्माणका लागि आवश्यक जग्गा व्यवस्थापन गर्न आइएमी गु्रपमा अध्यक्ष चन्द्र ढकालले १० लाख रुपैयाँ तथा अन्य स्थानीयको दिएको पाँच लाख गरी १५ लाख लगानी गरिएको थियो । जग्गा खरिद समेत भइसकेको र गरेर अस्पताल निर्माण गर्न थालेको बागलुङ नगरपालिका वडा नम्बर १३ का वडा अध्यक्ष नारायण शर्मा पौडेलले जानकारी दिनुभयो ।
अस्पताल निर्माणको लागि सरकारले १८ करोड बजेट बिनियोजन गरेको छ । नगर अस्पतालमा २ दुई मेडिकल अधिकृत सहित २७ दरबन्दी स्विकृत भएको छ । अस्पताल स्थापना भएसंगै १५ शैया, प्रयोगशाला, फर्मेसी लगयातका अन्य सेवा थपिने बताइएको छ ।
