पवन मारसिनी, स्याङ्जा भदौ १३/ स्याङ्जाको पुतलीबजारमा सम्पन्न नगरपालिकाको स्थानिय पाठ्यक्रममा आधारित आधारभुत बिद्यालय स्तरीय हाजिरी जवाफ प्रतियोगिता पुतलीबजार क्वीजको उपाधी भु पु सैनिक आवसिय मा वि ले जितेको छ । लक्ष्मी स्मृति सामुदायिक पुस्तकालय, पुस्तकालयद्वारा संचालित सामुदायिक रेडियो स्याङ्जा एफ एम तथा स्याङ्जा टेलिभिजनले १८ औ राष्ट्रिय पुस्तकालय दिवस( २०८२ को अवसरमा हाम्रो पुस्तकालय हाम्रो भविष्य भन्ने मुल नाराका साथ आयोजना गरेको सो पुतलीबजार क्विजमा २४ प्रतियोगी विद्यालयलाई पछि पार्दै भु पु सैनिक प्रथम भएको हो ।
प्रतियोगितामा रोशनी आवसिय मा वि, हिमालय मा वि टक्सार र शितला मा वि पौवैगौडे क्रमश द्वितीय, तृतिय र सान्त्वना बनेका थिए । शुक्रबार पुतलीबजार नगरपालिकाको सभाहलमा भएको कार्यक्रमको उद्घाटन गर्दै नगर प्रमुख तुलसी राम रेग्मीले नगरपालिकाको स्थानिय पाठ्यक्रममा आधारित रहेर कार्यक्रम संचालन गरेको प्रती आयोजकलाई धन्यवाद व्यक्त गरे । सो क्रममा रेग्मीले पत्रकारहरुले निष्पक्ष र यथार्थपरक भएर समाचार सम्प्रेषण गर्नुपर्नेमा जोड दिएका थिए ।
कार्यक्रममा नगर उपप्रमुख देवी अर्याल, प्रमुख प्रशासकीय अधिकृत धर्मराज ढुङ्गाना लगायतले शुभकामना मन्तव्य राखेका थिए । नगर शिक्षा अधिकारी बाबुराम बराल, सहायक शिक्षा अधिकृत शोभा बस्यालले पुतलीबजार क्विजको सहजीकरण गरेका थिए ।
लक्ष्मी स्मृति सामुदायिक पुस्तकालयका अध्यक्ष ध्रुब बन्धु पौडेलको अध्यक्षतामा सम्पन्न कार्यक्रममा कोषाध्यक्ष चन्द्रमणी पौडेलले स्वागत एवम् कार्यक्रमको संचालन सचिव बलराम दोरङ्गाले गरेका थिए । पुतलीबजार क्विजमा पुतलीबजारका २५ विद्यालयहरुको सहभागिता रहेको थियो ।
