जेनजी आन्दोलनको क्रममा प्रहरीको हतियार लुटेको आरोपमा धनुषाबाट दुई जना पक्राउ परेका छन्।
जिल्ला प्रहरी कार्यालय धनुषाका अनुसार भदौ २४ गते बेलुका अन्दाजी ७ बजेतिर मधेस प्रदेश लोक सेवा आयोगको कार्यालयमा आन्दोलनकारी प्रवेश गरी तोडफोड र आगजनी गरेका थिए । आन्दोलनकारीले उक्त कार्यालयको सुरक्षामा खटिएको प्रहरीको एसएलआर राइफल एक थान र सोको ५० राउन्ड गोली लुटपाट गरी लगेका थिए ।
अनुसन्धानका क्रममा सीसीटीभी फुटेज विश्लेषण गर्दै सोमबार जनकपुरधाम उपमहानगरपालिका–९ बस्ने ३७ वर्षीय मनिषकुमार अधिकारी र सोही ठाउँका २१ वर्षीय सन्तोषकुमार यादवलाई पक्राउ गरिएको प्रहरीले जनाएको छ । उनीहरूको साथबाट लुटिएको हतियार बरामद गरिएको छ । यस्तै प्रहरीबाट खोसिएको थ्रिनट थ्री राइफल दुई दिन अघि बरामद गरिएको डीएसपी सिंहले बताए ।
प्रकाशित मिति २०८२ भदौ ३० गते सोमबार १०:३०
