आज बिहीबार पनि नेपाली बजारमा सुनको मूल्य बढेको छ ।
नेपाल सुनचाँदी व्यवसायी महासंघका अनुसार आज प्रतितोला सुनमा १२ सय रुपैयाँको वृद्धि भएको हो ।
महासंघका अनुसार आज प्रतितोला सुनको मूल्य दुई लाख ३९ हजार २०० रुपैयाँ कायम भएको छ । यो मूल्य हालसम्मकै उच्च हो । बुधबार प्रतितोला सुनको मूल्य दुई लाख ३८ हजार कायम भएको थियो ।
यसैगरी, बिहीबार चाँदीको मूल्य तोलामा ७० रुपैयाँले बढेर उच्च मूल्य कायम गरेको छ । बिहीबार चाँदी प्रतितोला ३ हजार २५ रुपैयाँ कायम भएको महासंघले जनाएको छ ।
प्रकाशित मिति २०८२ असोज २३ गते बिहिबार ११:२४
