बाग्लुङ जिल्लाको गलकोट नगरपालिका १ चौराहमा काठमाण्डौंबाट बुर्तिबाङ तर्फ आउदैँ गरेको बस दुर्घटना हुँदा ११ जना यात्रु घाइते भएका छन् ।
आईतबार काठमाण्डौंबाट छुटेको बा ५ ख १५५३ नम्बरको बस सोमवार विहान मध्यपहाडी लोकमार्गको गलकोट चौराहमा दुर्घटना हुँदा बसमा सवार २२ जना मध्ये ११ जना घाइते भएका हुन् । ११ जना भने सामान्य घाईते बनेको प्रहरीले बताएको छ ।
दुर्घटनामा परि बागलुङ ढोरपाटन नगरपालिका शेराका वर्ष ४२ की पवित्रा खत्री, गल्कोट नगरपालिका ३ गणेशचोकका वर्ष ७३ को हरीलाल खत्री, गुल्मीको मुसिकोट गाउँपालिका ९ बार्सीकोटका २७ वर्षीय गिरीबहादुर परियार, मुसिकोट नगरपालिका २ का वर्ष ३३ को राजकुमार कुवर, सोही स्थानका वर्ष ३० की तारा थापा र नवलपारासी सुनौल नगरपालिका ३ आसामबासीका वर्ष ४८ कि तारा पुन रहेको जनाईएको छ ।
यसैगरी, बागलुङ जिल्लाको बडिगाड गाउँपालिका वडा नम्बर २ का वर्ष १७ को विष्णु थापा, भारत घर भई हाल गुल्मी बस्ने वर्ष १९ को अनिल कुवर, वर्ष २५ का जिलाजित शर्मा, दिलदिप साहनी, बागलुङ वडिगाड गाउँपालिका ६ सिमलचौरका वर्ष ३९ का टेक बहादुर राना छन् ।
घाइते सबैलाई धौलागिरी अस्पताल बागलुङ लैजादैँ गरेको जिल्ला प्रहरी कार्यालयका प्रहरी नायव उपरीक्षक इकवाल हवारीले बताउनुभयो । बसको ब्रेक फेल भई सडकको कुनामा ठोकिन पुगेको थियो । बसका चालक चित्रबहादुर खड्कालाई प्रहरीले नियन्त्रणमा लिएको र घटनाको बारे थप अनुसन्धान भैरहेको उपरीक्षक हवारीले जानकारी दिनुभयो ।
