जनसञ्चार सहकारी संस्था लिमिटेड बुर्तिबाङको एघारौं साधारण सभा भोली कार्तिक २७ गते शनिवार हुनेभएको छ । २०६८ सालमा स्थापना भएको जनसञ्चार सहकारीले एघारौं साधारणसभाबाट नयाँ कार्यसमिति समेत चयन गर्नेछ ।
अघिल्लो साधारणसभाबाट निर्वाचित कार्य समितिको पदावधि सकिएकाले नयाँ कार्यसमितिको चयन सहित साधारणसभाको आयोजना गर्न लागिएको संस्थाका अध्यक्ष निमलाल पाण्डेले बताउनुभयो । भोली बिहान ११ बजे बुर्तिबाङ प्रसाशनलाईन स्थित मनकामना हलमा कार्यक्रको आयोजना गरिएको छ । साधारणसभाको तयारीका सबै पूरा भएको पनि अध्यक्ष पाण्डेले बताउनुभयो ।
सचिव, कोषाध्यक्ष, कर्जा उपसमिति र लेखा तथा सुपरीवेक्षण समितिको प्रतिवेदन बैठकले अनुमोदन गरेको समितिको सचिव सहविन अर्गेजाले जानाकारी दिनुभयो । बैठकले उत्कृष्ठ शेयर सदस्य, बचत कर्ता, कर्जासदस्य र संस्थामा राम्रो कारोवार गर्ने सदस्यहरुलाई सम्मान गर्ने भएको छ ।
सहकारीको साधारणसभामा संस्थाका लागि आवश्यक विभिन्न नियमावलीहरु समेत पारित गर्ने भएको छ । कर्मचारी प्रशासन नियमावली, आर्थिक प्रशासन नियमावली, कर्जा नीति, उपसमिति परिचालन कार्यविधि र निर्वाचन कार्यविधि सभामा पेश गर्ने गरि तयारी गरिएको, नियमावली निर्माण उपसमितका संयोजक लोकेनद्र सुनारले बताउनुभयो । साधारणसभाले संस्थाका लागि आवश्यक निती निर्माण सहित नयाँ कार्यसमिति चयन गर्दै भव्य रुपमा सम्पनन गर्नेगरि तयारी पुरा भएको संस्थाका प्रबन्धक रेशम सापकोटाको भनाई छ ।
जनसञ्चार सहकारीले सामुदायिक रेडियो परिवर्तन, जनसञ्चार रेमिट तथा सहकारी कारोवार गर्दै आएको छ । साधारणसभामा संस्थागत र आर्थिक प्रगति तथा आगामी आर्थिक वर्षका लागि नीति कार्यक्रम प्रस्तुत हुनेछन् । संस्थालाई अझै पस्किृत, परिमार्जित ढंगले चुस्त दुरुस्त र उच्च स्तरको गतिदिन साधारणसभाले विषेश निर्णय गरेर अघि बढ्ने रेडियोका स्टेशन म्यानेजर राम सुवेदीले बताउनुभयो ।
