महोत्सव स्थलमा आईपुग्यो कैलाश हेलिकप्टर
बागलुङ गलकोटको आकाशमा रमाउने गलकोटे नागरिकको चाहाना पुरा हुने भएको छ । हेलिकप्टरबाट गलकोट क्षेत्र सहित प्रसिद्ध घुम्टेका सिद्ध भैरबको मन्दिर दर्शन गर्ने ब्यबस्था गरि हेलिकप्टर गलकोट ल्याईएको गलकोट खेलकुद तथा सास्कृतिक महोत्सव आयोजकले जनाएको छ ।
महोत्सवमा आम नागरिकले खोजेको महत्वपुर्ण रुचिको बिषयलाई समेट्ने क्रममा आज हेलिकप्टरबाट दृश्यावलोकन गर्ने ब्यबस्था गरेको हेलिकप्टर संयोजक हरि खत्रीले बताउनुभयो ।
महोत्सवमा दर्शकको रोजाई तथा माग अनुसार हेलिकप्टरबाट गलकोट क्षेत्रको दृश्याबलोकन गर्ने अवसर प्रदान गर्न कैलाश हेलिकप्टर गलकोट ल्याईएको खत्रीको भनाई छ । आज देखी निरन्तर दर्शकको संङ्ख्या तथा चाप अनुसार महोत्सव अबधीमा गलकोटको आकाशमा हेलिकप्टरबाट दृश्याबलोकनको ब्यबस्था गरिएको ड्रिम टिम गलकोटका संयोजक रुपक पाण्डेको भनाई छ ।
आज दिउसो १२ः१५ देखी निरन्तरफाईट हुने भएकोले हेलिकप्टरबाट दृश्यावलोकनको लागी टिकट बुकिङ गर्नुभएका दर्शक तथा यात्रुहरु दिउसो १२ बजे भित्र महोत्सब स्थलमा आईपुग्नुपर्ने आयोजकले जनाएको छ ।
आज कालिलेक हुदै घुम्टे दर्शनको उडान हुने कैलाश हेलिकप्टरले जनाएको छ । दर्शकको संङख्याको आधारमा गलकोटको कालिलेक हुदैं घुम्टे दर्शन तथा ढोरपाटनको उडान समेतको व्यबस्था गरिएको आयोजकले जनाएको छ ।
हेलिकप्टरबाट अबलोकन गर्नको लागी बुकिङ गर्नुभएका यात्रुले हेलिकप्टर संयोजक हरि खत्री वा ९८५६०७६९९१ मा सम्पर्क गर्न कार्यक्रम संयोजक होम थापाले जानकारी दिनुभयो ।
महोत्सवको बिशेष आर्कषणको रुपमा रहेको हेलिकप्टरबाट दृश्यावलोकन सोमबार बाट हुने भएपछि हेलिकप्टर गलकोट आईपुगेकोले दर्शकहरु उत्साहित भएका छन् । आज हेलिकप्टर मार्फत कालिलेक हुदै गलकोटको मुख्य पर्यटकिय क्षेत्र बागलुङ जिल्लाकै अग्लो पहाड घुम्टेको अवलोकन गर्ने ब्यबस्था गरिएको छ ।
