बुर्तिबाङ- बागलुङको ढोरपाटन भूजिमा एक व्यक्तिको हत्या भएको छ । हत्याको आरोपमा स्थानीय ३ जनालाई प्रहरीले नियन्त्रणमा लिएको इलाका प्रहरी कार्यालय बुर्तिबाङले जनाएको छ । पक्राउ पर्नेहरुमा १ जना महिला सहित २ जना पुरुष रहेका छन् ।
गत भाद्र २ गते राति ढोरपाटनको भूजिमा ५१ वर्षिय छविलाल विश्वकर्माको हत्या भएका प्रहरीले बताएको छ । भाद्र ७ गतेमात्र मृतकको शव भेटिएपछि हत्याको प्रारम्भिक अनुसन्धानमा थालिएको इलाका प्रहरी कार्यालय बुर्तिबाङका प्रहरी निरीक्षक जयराम वन्तले बताउनुभयो ।
प्रहरी नियन्त्रणमा आएकाहरुले दिएको बयान अनुसार, उनीहरुले पारिवारिक रिसिबीका कारण विकको हत्या भएको प्रहरीले बताएको छ ।
हत्यामा संलग्न भएको आरोपमा पक्राउ परेका तीनै जनालाई इलाका प्रहरी कार्यालय बुर्तिबाङले जिल्ला प्रहरी कार्यालय बागलुङ पठाएको छ । आवश्यक अनुसन्धानका लागि जिल्ला पठाइएको प्रहरी निरीक्षक वन्तले बताउनुभयो ।
